Nakabantay ba mo nga sa kada boxing match ni Manny Pacquiao, Nonito Donaire, Donnie Nietes ug uban pa natong mga banggiitang boksingero halos ang tanang molantaw nga mga Pilipino puro boxing analysts? Nakabantay ba mo nga sa mga kampeonato sa NBA ug PBA sa basketball halos ang tanang Pilipino nga mangtan-aw niini puro coaches di ba kaha basketball analysts? Ang bout ipasabot niini ang Pilipino adunay talagsaon nga kalantip sa pangisip, apan ang pangutana mao kini asa na man doul ang katawhang Pilipinhon isip katawhan ug asa na man duol ang Pilipinas isip usa ka nasod?
World class ang abilidad ug kalantip sa pangisip sa usa ka Pilipino. Sa akong nahibaw-an ang imbentor sa flourescent light usa ka Pilipino, ang imbentor usab sa KARAOKE usa usab ka Pilipino, ang International Rice Research Institute makita sa U.P. Los Banos. Laguna ug ang nagpanday sa Labor Code sa Vietnam usa usab ka Pilipino. Apan ang pangutana asa na man KITA karon? Ang Pilipinas doul na sa kinatumyan isip usa sa pinaka pobre nga nasod bisan pa sa natural nga pagka maabilidad ug pagkalantip ug pangisip sa mga lumulupyo niini.
Ngano man nga pobre ang Pilipinas? Sa akong pagpalibog ug hunahuna duna'y duha ka mga dagkong rason ngano'ng pobre ang nasod nga Pilipinhon 1.) Ang pagkatapulan sa Pilipino, kini nga batasan ato'ng nasunod sa kolonyal nga batasan sa mga Katsila ug 2) Ang pagka tigdaut sa atong mga pulitiko panahon sa piniliaynga ato'ng nasunod sa mga Amerikano. Kini nga mga negatibong batasan mao'y nakapaunlod sa atong nasod nga Pilipinas.
Mag-unsa na lang man ang natural nga abilidad ug ka bright sa usa ka Pilipino kung siya tapolan? Mag unsa na lang man ang Pilipinas og dili kahibalo mopili og mga lider ang iyang katawhan tungod kay madala ra man sila sa panglabay og lapok ug pangdaot sa mga kandidato'ng tigdaot og mga maayong mga kandidato? Tungod niini ako nagahagit sa kada Pilipino sa PAGBAG-O aron og alang sa kabulahanan sa nasod nga tabunon, ang perlas sa Silangan, ang PILIPINAS.
