MGA PLANO NI BAYAWANON ALANG SA KALAMBUAN SA BAYAWAN :

1) Mangamahan sa pagmugna og Bayawan Unification Commission alang sa panaghiusa sa tanang political parties sa Bayawan City aron malikayan ang panag-away sa mga pulitiko sa Bayawan;
2) Mangamahan sa pagmugna sa Bayawan Leadership Academy kansang katuyuan mao ang pag train sa mga student leaders ug mga Barangay Officials kabahin sa leadership;
3) Mangamahan sa pag-umol sa Bayawan Sports Academy kansang katuyuan mao ang pag develop sa mga abilidad sa mga Bayawanon sa natad sa paugnad sa kusog;
4) Paamyendahan ang Bayawan Fishery Ordinance nga naghatag og kahasol sa gagmay'ng mananagat nga Bayawanon;
5) Maningkamot alang sa pagpalusot sa Bayawan Export Processing Authority nga sarang makahatag og mga trabaho sa mga walay trabaho nga mga Bayawanon;
6) Mag lobby alang sa pagpagama og airport ug seaport sa Bayawan sa ngalan sa transportasyon ug kalambuan;
7) Maningkamot sa pagpadako sa Balay Tambalanan o Hospital pina-agi sa pag konverter niini nga usa ka sattellite hospital o sangang hospital sa Negros Oriental Provincial Hospital;
8) Mopalusot og mga lakang alang sa pag develop sa Bayawan Flood Control Program pinaagi sa pag palalom sa mga kasubaan sa Bayawan, pagpatukod og pumping stations ug pagpatanum og mga kahoy sa kabukiran ug sa mga kilid sa mga kasubaan;
9) Magpatukod og Tsunami Alert System tungod kay ang Bayawan nag atubang sa Negros Trench nga kung mo tay-og pina-agi sa linog dunay posibilidad nga magka tsunami. Usa ka pamaagi sa pag pugong niini mao ang pagpatukod og Tsunami Alert System sa Bayawan;
10) Maghimo og mga lakang nga motabang sa mga pobreng mag-uuma pinaagi sa paghatag og subsidies sa mga pobreng mag-uuma pinaagi sa pag hatag og subsidy sa abono nga organiko.
11) Maghimo og lakang alang matukod ang Pista sa Kalasangan sa Bayawan, kini mamahimong usa ka dakong pista sa kalasangan diin ang tanang hut-ong sa katawhan nga Bayawan sama sa mga batan-on, estudyante, negosyante, mga propesyonal, mga relihiyoso, mga kababayen-an, mga mag-uuma, mga mananagat ug uban pa magkahiusa sa pagtanum og kahoy sa kabukiran. Ang maong festival mamahimo usab nga income generation possibility kay duna man unya mga kalingawan didto sa kabukiran nga kini nga festival pagasi ugdahan;
12) I urbanize ang mga Barangay nga dagko sa Bayawan nga diin mamahimong uptown sa Bayawan City sama sa Tayawan, Kalumboyan ug Dawis pinaagi sa pagpalambo sa mga infrastraktura niini sama sa mga dalan, taytayan, plaza, merkado, hospital ug uban pa;
13) Dad-on ang mga serbisyo publiko sa kabukiran sama sa driver licensing, issuance of birth certificate, registration of births, livelihood trainings ug uban pa;
14) Palapdan ang City Proper pinaagi sa pagpahimo og bag-ong mga dalan sa mga Barangay nga doul sa kinapusoran sa Bayawan sama sa San Ramon, Banga, ug Villareal;
15) Magpatukod ug City Library aron ang mga pobreng Bayawanon maka access sa inpormasyon ug edukasyon nga ssayon ug libre;
16) Mangimbitar og mga imbestor nga puwedeng mamuhonan sa pagpatukod og mga factoriya sa sardinas kay lagi ang Bayawan usa man ka fishing ground;
17) Maningkamot sa pag develop sa mga natural tourist spots sa dakbayan aron ang Bayawan mamahimong Eco Tourism City.
18) Paningkamotan ang pagpatukod og potable water systems sa tanang Barangay sa Bayawan ilabi na sa kabukiran.